Jolie aser Pitt na Documentary yanglutsü

Los Angeles, January 27 (Agencies): Canadia nunger kaket zülur Ian Halperin-i Angelina Jolie aser Brad Pitt na kibong akümba otsü nung ajemdaker documentary ka yanglutsü sentong yangludar.
2016 September nung balatsü asoshi osang magütsüba tsüngda küm ka tejakdang tatalokbatem nung tali ajemdaker iba documentary yanglutsü, ta küm 52 tain film yangluri ashiba osang ka ajanga metetdaktsü.
Halperin-i osangtem ajanga iba documentary indang sangdongbaji tejangja ta shiogo.
Taoba mapang nung pai yangluba documentary tem rongnung, The Final Years of Michael Jackson aser Celine Dion: Behind the Fairytale na densema lir. Maneni 2010 küm Jackson indang documentary ‘Gone Too Soon’ Pai directed süa yanglu.