SC-i Centre, states dang aluyimertem soseta asüba kuli meshir

New Delhi, Janaury 27 (Agencies): Tanü Supreme Court-i Centre sorkar aser state sorkartem, Union territories aser RBI dang, aluyimertemi soseta asüba kulitem shisadangang, ta tetuyuba agütsüogo.
Chief Justice J S Khehar aser Justice N V Ramana nati akumba bench-i sorkartem dang hopta pezü tsüngda iba telangzübaji agüjang, ta tuyu.
Bench-isa, iba ya süoki ia agitsü onük ka lir, ta ashi.
Melungtet telok, Citizens Resource and Action & Initiative-i temepishiba ka SC nung benokba angadangba sülen SC-i item tetuyuba agutsüogo.