May 1 nungi MP nung ‘polythene’ nokdangtsü: Chouhan

Bhopal, January 26 (Agencies): Madhya Pradesh Chief Minister, Shivraj Singh Chouhan-i, May 1 nü nungi tenzüka state nung polythene nokdangtsü, ta metetdaktsü.
“Ato kilonser, Narendra Modi-i state semdangba mapang nungi merükmeju mapatong tenzükogo. Yimti merüka ayutsü atema tetsükdaktsü tulutiba rongnung kaji polythene amshiba ya lir, ibayongji May ita nungi polythene nokdangtsü,” ta pai metetdaktsü.
“Alima menenba polythene melenbo, kaket aser sü ang amshitsü. Polythene amshirtem nem temerenshi agütsütsü,” ta paisa shisem.
State sorkarisa moapu nung metsümeshiba nokdangtsü lemtetogo, ta Chief Minister-isa metetdaktsü.