Kaziranga University aser business institute na tezüngzüktepba agi

Guwahati, January 26 (Agencies): Kaziranga University (KU) aser Entrepreneurship Development Institute of India (EDII), Ahmedabad na northeast nung MBA, Entrepreneurship and Development lapoktsü asoshi tezüngzüktepba agi.
KU Basant Khetan nung Pro-chancellor aser EDII director Sunil Shukla nati iba tezüngzüktepba nung kuli agüja zülutepogo.
Yamala course KU aser EDII na longjemer Northeast nung mezüng agütsütsü, ta KU-i osang ka ajanga sangdong.
“KU aser EDII na longjemer iba sentong lapokba ajanga, northeast nung aliba shisaluyimertem parnok tejangraba aser mangdangtem renlokba nung yaritsü, aser lenmang balala lapoktsütsü,” ta KU-i maneni ashi.
Iba dak alaka faculty development aser entrepreneurship sentong balala agitsü.