Sonam-i PM dang Bollywood nüngittsü mepishir

Mumbai, January 28 (Agencies): Karni Sena teloki longkak aita Sanjay Leela Bhansali anema inyakba sülen actress, Sonam Kapoor-i Ato kilonser dang Bollywood nungittsü atema mepishiogo.
Leela Bhansali indang film tem ajang putiotsü tatalokbatem indang osang kanga junga sangdonger, ajisüaka yashi ‘Padmavati’ film tangokdang atalokba osang ajanga linük nübur ajak, talisa film faternity kanga aoksaogo.
Jaigarh fort nung Karni Sena züngsemtemi iba film tangokba nokdangba dang masü saka Bhansali anema-a inyak. Osang ajanga ashiba agi, parnoki pa dak maoktsüba dang masü saka pa süsohia shisatsü.
Iba tatalokba sülen film industry nung aikati Sanjay Leela Bhansali pusema jembi.
Item tatalokba atema jashia Sonam Kapoor-i Instagram ajanga Ato kilonser, Modi dang aibelenertem nem temerenshi agüjang, ta mepishi.
Sonam-i instagram nung, “Nü nem iba ya metetdaktsür, Republic Day sülen anogo ana lir, iba ama kanga mezüngmeshia inyakba atalokba atema onoki janshir. Onok atema nai inyakang,” ta zülu.