Ni mapa nungi manentsü : Meghalaya Home Minister

Shillong, January 28 (Agencies) : Honibarnü Meghalaya Home Minister, Horju Donkupar Roy Lyngdoh-i pa menden nungi malutsü ta metetdaktsü.
Home Minister, Horju’er jabaso indang guest house nung tetsür tanur ka tashiyim agi raksatsüba ken o atema pa menden metoktsütsü, ta pai ashi.
“Ni aibelena kecha meinyak. Guest house ji ni ketdangsüa repranger masü, ibaji management ajanga ketdangsüa repranger” ta Lyngdoh-i ashi.
Bharatiya Janata Party (BJP)-i anir telok aikati pa mapa nungi anenang ta takhangba agütsüba mapang ka pai iba osang metetdaktsü.
“Ochi metettsü atema ni police nem parnoki inyaknüba ama bushisüngdang südaktsüogo. Nüngdak dang süra police-i kü dang asüngdangya asütsü akok, saka nibo minister menden nungi malutsü” ta Home Minister-i osangbener dang ashi.
Lyngdoh’er jabaso Nathaniel Osbert Rymmai-i lapokba Marvelene’s Inn nung nisung pezüi arishi küm 14 tain tetsür ka mapang balala nung tashiyim agi raksatsü.
Iba dak sendakba nung Meghalaya Police-i Independent MLA, Julius Kitbok Dorphang dena nisung 16 pua lir.