Messi mezüngbuba coach Ernesto süogo

Buenos Aires January 28 (Agencies): Lionel Messi indang mezüngbuba coach, Ernesto Vecchio, arishi küm 65 nung asüba osang Hokolbarnü Newell`s Old Boys club-i metetdaktsüogo.
“Onoki Ernesto Vecchio asüba osang sasaseta metetdaktsür,” ta Newell-i Twitter ajanga sangdong. Vecchio ya Newell`s nung küm 30 dak tali inyak.
Vecchio taküm aliba mapang Newell`s aser Messi Foundation charity nung pa mapang lemdanger inyaka liasü.
Pa Messi pusemer ka liasü. Yaküm Copa America asaya nung Chile makokba sülen, Messi international asaya nungi anenba sangdongba ajanga aikati pa aitsü, saka Vecchio-i item mapang ajak nung Messi nungita aru.
“Tanubosang joko ojang dang aijang. Pai anennüra pa molung,” ta Vecchio-i iba mapang shia liasü.