South Korea nung ”Pokemon Go” amshir million 4 jungogo

Seoul, January 29 (Agencies): Pokemon Go South Korea nung amenloker anogo asem tsüngda nung iba asaya amshirtem million 4.2 jungogo, ta osang ajanga ashi.
WiseApp, app analytics company ajanga Hokolbarnü ashiba agi, Mongolbarnü Pokemon Go South Korea nung Google Play Store aser Apple indang App Store nung sayaba anogo nung iba game asayar parnok million 2.91 liasü, saka Brehostebarnü iba AR mobile game amshir parnok million 4.28 ajung, ta osang ka ajanga sangdong.
Maneni WiseApp puri ashiba agi, Mongolbarnü iba game nisüng million 2.83-i download asü aser Brehostibarnü download asür ajak agi parnok 850,000 liasü.
Iba asaya Google indang mapping service ajanga asayar, saka Seoul government-i Google mapping service amshitsü nokdanga ayuba ajanga “Pokemon Go” South Korea tesem teimba ka nung mapa meinyaker.