Box Office nung ‘Raees’-i sen crore 75 dak tema ajangzükogo

New Delhi January 29 (Agencies): Bollywood nung nüngtugu actor Rukh Khan adokba film ‘Raees’ sayar mezüng hapta nung sen aika ajangzükogo. Rahul Dholakia direct asüba film-i tang tashi nung Box Office nung sen crore 75 ajangtetogo.
Deobarnü iba film-i sen crore 15.61 ajangtet. “#Raees ya film kanga tajung… Bodhbar nü 20.42 cr, Mongolbar nü 26.30 cr, Hokolbar nü 13.11 cr, Honibar nü 15.61 cr. Ajakagi 75.44 cr. India biz,” ta Hindi movie aser business asadanger Taran Adarsh-i tweed asü.
Iba film nung SKR, Nawazuddin Siddiqui aser Pakistan tsür Mahira nungertemi tondti shilem agir.
January 30 Mahatma Gandhi asüba anogo, Raees film takok anguba tenüng nung shilem agirtem benjong ka akatsü asoshi sentong yangluba, osang ka ajanga shisem.