Jaipur-Agra Highway nung tzüsü agi lenmang mongoi gari 35 tsüktep

Jaipur, January 29 (Agencies): Deobarnü Jaipur-Agra National Highway nung tzüsü melemraba agi lenmang jangja mongoi gari 35 tsüktep. Iba gari lendong nung asangur ka asü aser parnok 45 iru.
“Garitem Jaipur anasa Bassi aser Kanota na tsüngda tsüktep. Tejaklen aliba gari kati aoksa brake pua tata gari ka dak atsükba sülen, tzüsü agi junga manguba ajanga tesülen aliba tanüngba garitem ajak tsüktepyonga ao,” ta SHO Kanota Police Station, Gauri Shankar Bohara-i osangbenertem dang ashi.
Police osang ajanga ashiba agi tasüsang tenüngji Sahil (19) pa Dausa district nungi liasü.
Iba lendong ajanga highway nung garitem ghonda ana shi marakzüi anenadok.