Craigslist ngutetsangi Wikipedia nem teyari sen $500K agütsü

January 29, 2017 (Agencies): Craigslist ngutetsang Craig Newmark-i Wikipedia nem timtema meinprong agütsüba nungi kümzüka ayutsü asoshi sen $500,000 teyari agütsü.
Brehostibarnü Wikimedia Foundation ajanga ashiba agi, Craig Newmark Foundation aser Craigslist Charitable Fund nungi teyari agütsüba senji Wikipedia nung inyakertem aser angati teyarirtem teimtemdaktsüba aser meinprongba nungi kümzüktsü asoshi sentong balala yangluba nung indoktsü, ta ashi. Wikipedia ya encyclopedia site ka lir.
Online nung timtem agütsüba ajanga Wikipedia nung inyakertem, zülutsü aser osang balalatem meyipzüktsü sempet amshitsü asoshi tenokdangba agütsür, ta Wikimedia Foundation ajanga ashi.
Mapa balala sadema, aser temolung agüja inyaktettsü asoshi online nung meinprong nokdangtsüji kanga tongtibang, ta Newmark-i ashi.
Iba sen ajanga maneni online nung timtem agütsütsü yimya balala jelia metettsü asoshi sentongtem amentsü. Iba site amshirtem shirnok nokdanga ali, parnok tanaben iba site-i melamela meyipa maitettsü asoshi tenokdangba agütsütsü atema tongtibangsa sentongtem achayangtsü, ta Wikimedia ketdangsertemi maneni shisem.