Election agitsü state pongu nung EC-i exit polls nokdanger

Chandigarh (Punjab), January 29 (Agencies): Deobarnü Election Commission (EC)-i Amritsar Lok Sabha by election densema assembly election agitsü aliba state ajak nung February 4 nungi March 8, 2017 nü tashi nung exit polls nokdangogo.
Representations of the Peoples’ Act, 1951 kübok section 126 A ozüngtem tetshia Election Commission otongdar kati, “February 4, 2017 anepdang 7:00 ako nungi March 8, 2017 nikongdang 5:30 ako tashi exit polls makatsü aser print, electronic media mesüra tanga lenmang balala ajanga sangdongtsü nokdanger,” ta ashi.
Paisa, election agiba shilem ajak nung ghonda 48 tsüngda electronic media nung election dak sentakba opinion poll mesüra tanga poll survey agia sangdongtsü memelar, ta metetdaktsü.