Manipur dam nung inyaker ana pua bener aoba tasü angu

Imphal, January 29 (Agencies) : Kuki telungpurtemi Manipur nung Senapati district kübok aliba Maphou tzünokdang nung mapa inyaker asem pua bener aoba rongnungi ana kahseter lia angu aser kabo kecha meyiru lia angu, ta Manipur police-i ashi.
Itham tesem nungi arua iba tzünokdang yangluba nung mapa inyaker, Kangujam Thoi, JCB driver Kangujam Tompok, aser truck driver Khumukcham Bije nungertem ya January 26 nung Kuki telungpurtemi pua bener ao.
Par asem ya Ukhrul district kübok Monroi yimtsüng nung anir oa puoka ayu. Kuki Liberation Army aser item nisungpurtem Deobarnü kahtep aser iba mapang tepuokdak yua alir ana ya kahset.
Item nisungpur rongnungi Kuki nunger Thangminlien Khongsai apu aser pa dang asüngdangyatsü tenzükogo ta policetemi ashi.
Telungpurtemi prangpong bener senzüba, kiralongraba mapa aser nisung pua bener oa sen meshiba mapatem anentsü asoshi central sorkar den tezüngzüktep yanglua lir.
Iba project ketdangsürtem dang sen meshitsü nükjidong nung par asem ya apu, ta osang ka ajanga metetdaktsü.