Sindhu, Sameer, Sikki-Pranaav nungeri takok angu; Syed Modi International Badminton asayamong

Lucknow, January 29 (Agencies): Syed Modi International Badminton Championship nung India nunger-i title asem nguogo. Deobar nü final asaya nung P.V. Sindhu aser Sameer Verma nati single nung takok angu, aser mix tarep asaya nung N. Sikki Reddy aser Pranaav Jerry Chopra nati akok.
Sikki aser Ashwini Ponnappa na tetsür tarep nung tamakok angu, saka mix tarep asaya nung Sikki-i la partner Pranaav den tetsür tarep nung partner Ashwini aser B. Sumeeth Reddy na 22-20, 21-10 agi akok. Tetsür tarep final asaya nung Christina Pedersen aser Kamilla Rytter Juhl nati16-21, 18-21 agi minute 38 nung Sikki aser Ashwini na koka takok marok agizük.
Tebur final asaya nung Sameer-i 21-19, 21-16 agi B. Sai Praneeth madak takok angu.
Maneni tebur tarep asaya nung Denmark nunger Mathias Boe aser Carsten Mogensen nati Chinese Taipei nunger Lu Ching Yao aser Yang Po Han na 21-14, 21-15 agi akok.
Babu Banarasi Das Indoor Stadium nung tetsür final nung India tsür Sindhu aser Indonesia tsür Grigoria Mariska na asaya. Iba asaya nung Sindhu-i minute 30 nung 21-13, 21-14 agi Grigoria Mariska madak takok ngua, lai taküm Syed Modi International Badminton Championship tetsür kija asaya nung takok marok agizük.