Australian Open: Federer-i takok nguogo

Melbourne, January 29 (Agencies): Deobarnü Australian Open 2017 tebur kija final asaya nung Switzerland nungi arishi küm 35 tain, Roger Federer-i Spain nunger arishi küm 30 tain, Rafael Nadal madak takok anguba ajanga Federer-i Grand Slam takok 18 ngua otsü tasen yanglushiogo.
Gondha 3 sür minute 38 asayaba nung Federer-i 6-4, 3-6, 6-1, 3-6, 6-3 agi Nadal madak takok angu.
1971 Australian Open nung Australia nunger Ken Rosewall-i akokba sülen, asaya tongtibang akoker rongnung tambubaji Federer alistü.
Federer-i Australian Open final trokben asayaba nung tang yagi pungubenbuba akoker asütsü. Pai Australian Open tesüsaba akokbaji 2010 küm Andy Murray den asayaba mapang koka liasü.
Federer aser Nadal tsüngda 35 ben asayaba nung Nadal-i 23 ben aser Federer-i 12 ben akoker asütsü.
Federer-i Australian Open punguben, Wimbledon tenetben, US Open punguben aser French Open ken kogogo.
mixed double Abigail/Juan-i akok
Australian Open 2017 mixed tarep final asaya nung, US-tsür Abigail Spears aser Colombia nunger Juan Sebastian Cabal nati India-tsür Sania Mirza aser Croatia nunger Ivan Dodig madak takok angu.
Abigail aser Juan nati Sania aser Ivan madak 6-2, 6-4 agi takok angu.
Sania-i mixed tarep nung mezüngbuba Grand Slam takok angubaji 2009 küm India nunger Mahesh Bhupathi tena külemi asayaba mapang ngua liasü.