NE nung sericulture Industry atema Centre-i sen cr. 820 lemzüktsü

Shillong, January 29 (Agencies): Tanü Union Textile Minister, Smriti Irani-i Northeast tesem nung tetsür shilem 70 aliba kibong lakh 4 jungnüa nem mapa maongka agütsütsü atema sericulture industry nem sen crore 820 agütsütsü sangdongogo.
Tanü Shillong nung North Eastern Region (NER) atema tang mezüng Investors Summit lapoktsüba sentong nung Irani-i, “India sorkari sen crore 820 agütsüba ajanga tesem nung sericulture nungittsü,” ta ashi.
“Item maongka ajanga tajangzük angutsüpurtemji kibong 3,95,000 shi lir aser iba nungji tetsür shilem 70 lir ta onoki asadangteter,” ta laisa ashi.
Union Minister-isa ashiba agi, lar ministry-i tesem nung handloom, handicrafts, sericulture, apparel aser garmenting schemes ajungkettsütsü atema sen crore 1,040 lemzüktsüogo.
Laisa, handicrafts nübotem NIFTs nung master craftsperson kümdaktsütsü, ta ashi.
“Taruba academic session nung, NE tesem nung handloom sector nung master crafts nisungtemji linük tesem ajaklen NIFTs nung azünger tanurtem nem tesayuba agütsüba nung yaridaktsütsü atema ni inyaktsü, aser parnok dak alang akhümtsübu agütsütsü,” ta Irana-isa metetdaktsü.
NE nung handloom, handicrafts aser sericulture nung sen intokertem dang sen intoktsü ajungshia Irani-i, Act East Policy shilem ka ama investment maongka agütsütsü asoshi Centre-i infrastructural projects nung sen crore 52,000 intokogo, ta ashi.
Sorkari industry yaritsü atema mera agiba metetdakja lai, “December ita nung mobile app ka tenzükogo, kong südakertemi quota angutsü aser parnok temetentem angateta ‘yarns’ lemzüktsüba jangjatsü,” ta lai ashi.
Ano January 4, 2017 nü tenzükba helpline number ajanga anepdang 10:00 ako nungi nikongdang 6:00 ako tashi südakertem nem teyari agütsütsü.
Tesülen Centre aser state agency balalai investors aser promoters den tezüngzüktep 10 agia liasü.