Chakhesang Youth Front-i metetdaktsür

Dimapur, January 29 (TYO) : Chakhesang Youth Front (CYF)-i Phek district nung Chakhesang nunger lushi nungi nisung 8 nokdangba osang metetdaktsüogo.
ULB election atema CPO telemtetba anema nokdakba asoshi- Mrs. Wetsole Rhakho (Phek Village), Nesucho Keyho (Phek Village, Mrs. Veduhulu (Middle Khomi Village), Vezhopra Thingo (Thipuzu Village), Avi Movi (Zhavame Village), Salie Khesoh (Phek Villag), Mrs. Neiwekhe-u Khesoh (Kutsapo villag) aser Viketou Nienu (Sohomi village) nungertem nokdanger, ta CYF-i sangdong ka nung metetdaktsü.
Parnok nisung tii tashi mangai Chakhesang nunger lushi telungi aitra CYF-i parnok anema mapa inyaktsü aser lendong kar dang atalokra, iba tebilemtsüji parnoki abentsü. Maneni, Phek District kübok Chakhesang nunger lushi nung kija/telok kari danga parnok nisung 8 den tesentaktep yua inyakba putetra, parnoka daka temerenshi alitsü. Town/ village Youths-i item nisungtem mita repranger, ta CYF sangdong nungsa shia lir.
CBCC-i aibelener candidate tem den MoU agitepba atema pelar saka CPO Banishment Order ano magieni lir aser iba onük CPO den mangatettep tashi CYF-i iba tetuyuba kübok mapa inyaktsü, ta parnokisa shisem.
State ajunga mokdangba dak sendakba nung tanga osang ka magütsü tashi Phek District nung Chakhesang nunger lushi nung CYF-i mokdangba sentong magii atatsü metetdaktsür, ta CYF President, Welete Kapfo aser General Secretary, Chubutse Naro nati sangdong nung shia lir.