Ao Senden aser Chuchuyimlang na angatettepogo

Dimapur, January 29 (TYO) : Ao Senden aser Chuchuyimlang village council na tsüngda mangtettep tulu adokba liasü, ajisüaka tangbo iba ken o angatettepogo, ta sangdong ka ajanga metetdaktsü.
Tang Ao Senden nung acting president C. Angang Jamir aser acting secretary, L. Tally Lkr nati, telok ana tsüngda mangatettep aliba ken o kanga aroka ia asadanga aser rasaa jembiba sülen tangatettep kati aruogo, ta sangdong nung shia lir.
Ao senso tajung ajaki tensa ajak nung ka küma longjemer Aor telongjem tajungba akümtsü meranga inyakdi, ta kasa sangdong ajanga mepishia metetdaktsü.