Pre-Matric Scholarship atema mapang apuloktsür

Dimapur, January 30 (TYO) : Ministry of Minority Affairs jenjang nung Pre-Matric Scholarship indang application aika mebenteti lir aser itemji Institution Level nung kuli agütsütsü nüngdaker, ta Directorate of School Education-i sangdong ka nung metetdaktsü.
Scholarship indang ‘verification process’ metembangba atema Ministry-i tsünglanglen agüja aliba ama mapang apuloktsür.
Institution temi online application reprangtsü atema tatembang anogoki February 8, 2017 asütsü, ta Ministry-i metetdaktsü.
Ministry-i mapang apuloktsübaji iba ya tatembangba asütsü aser iba sülenbo mapang magütsüsemtsü ta metetdaktsüogo. Anungji, Institution temi temalen agüja aliba mapang nung application tem jangjashitsü tetuyuba agütsür. Ibaji inyak nungdang scholarship agütsüba mapa tekaratiba nung inyaka otettsü, ta Directorate of School Education sangdong nungsa shia lir.
USER ID & PASSWORD maliba Institution temi tsünglanglen agüja aliba mobile number tem ajanga metetpelatsü akok.
1. 8132858931.
2. 9436064560.