Phek nung 144 CRPC agienogo

Dimapur, January 29 (TYO) : Chakhesang Public Organisation aser Chakhesang Youth Front-i Phek Town Council Election anema nokdakba ajanga tensa mejungi akümba tajungba kümogo, ta Phek Deputy Commissioner, Muruho Chotso-i sangdong ka nung metetdaktsü.
Phek jila nung tensa tajungba akümba ajanga January 17, 2017 anogo nungi benoka aliba 144 CrPC January 28 nikongtsütsü 4:00 ako nungi agienogo, ta Deputy Commissioner-sangdong nung metetdaktsü.