Kohima nung WW-II nung amshiba bomb 122 ngutet

Kohima, January 30 (TYO) : Hombarnü Kohima police-i PR Hill Colony nung World War-II mapang amshiba bomb aika ngutetogo, ta police ketdangsertemi ashi.
Tang ki teyangludak kimung ka nung mapa inyakertemi bomb tutet ta tanep 7:00 ako meta police nem osang sangoktsü aser iba tesem nungi bomb tapu balala 122 ngutetogo, ta SDPO (South) & PRO Kohima police, Atu Zumvü-i osangbener dang ashi.
Tesem jagi Bomb Detection and Disposal Squad tonga ao aser parnoki bomb ji lendong melii agitet, ta ketdangsertemisa ashi.