PMO-i Air India nem sen crore 119 sentsü odok

New Delhi, January 31 (Agencies) : Air India ajanga Prime Minister Narendra Modi ainlen senzüdang sen crore 119 shi endokba menokogo.
Prime Minister’s Office (PMO)-i January 30 nü parnok indang website nung, PM-i bendang linük 8 sema senzüdang sen crore 119.70 endokba menokogo ta sayuogo, ta RTI benoker Commodore (retired) Lokesh Batra-i ashi.
“PMO, Ministry of External Affairs, Ministry of Civil Aviation aser Air India temi ‘chartered flights bills’ tekaratiba nung menoktsü tema inyaktsü ajungshir kechiyong iba ya ‘Tax-Payers’ sen den sendaktepa lir” ta Batra-isa ashi.
Prime Minister-i ainlen senzüdang sen endokba indang osang metettsü atema Batra-i RTI benok saka Chief Information Commissioner, R K Mathur-i iba osang tejangja yimjak nung memetetdaktsütsü ta ashi.
Ajisüaka, CIC-i ashiba agi, Batra-i mapang shitak nung sen menoktsü tebilemba lemsatepji agizüker aser sorkari public sector units nem mapang shitak nung sen agütsütsüla, ta paisa shisem.