Dermot O’Leary aser Emma Willis nati Brits Award sentong anitsü

January 31, 2017 (Agencies): Dermot O’Leary aser Emma Willis nati February 22 nung agitsü aliba Brit Award sentong anitsü osang sangdongogo.
Iba sentong ya mezüng po kentener, Michael Buble-i anitsü liasü, saka par jabaso arishi küm asem, Noah dak cancer keta aliba anepalutsü aliba ajanga pai shilem magitettsüsa aküm.
Dermot den külemi iba sentong nung shilem agitsü maongka anguba asoshi ni kanga pelar, ta Emma Willis-i osang ka sangdong.
“Ni Michael kanga sapur aser pai iba Brits sentong ya ani asübo ni kanga tzüra tema reprangtsü liasü,” ta Emma-i ashi.
“Emma aser Dermot-na dak sempet tajung aika keta lir aser iba sentong anitsü tena kanga tetemsü,” ta Brits Mendenbuba, Jason Iley-i ashi.
“Michael’er kibong den onoka dena lir. Tarutsü nung pai shilem agitsü yongya atar,” ta Jasin-isa shisem.
Taoba mapang Kylie Minogue aser RuPaul nungeri iba sentong ania liasü. Iba Brit Award sentong ya February 22, O2 Arena London nung alitsü lir.