2020 küm tashi nung Digital Advertise ajanga sen billion 255 aazüktsü

January 31, 2017 (Agencies): Digital ajanga advertise balala agütsüba nung shilem 33.5 agi teimba renlokba ajanga 2020 küm tashi nung sen billion 255 aazüktsü südi, ta osang sangdongogo.
2016 küm linük nung digital advertise asüba nungi sen crore 7,044-shi aazükogo, ta industry balala ajanga asadangba osang ka agütsü.
“India ya digital advertisement nung kanga karaa ainba lima ka lir aser 2020 küm tashi nung digital advertisement ajanga sen billion 255 junga aazüktsü,” ta Digitisation to Drive Marketing Strategies ajanga metetdaktsü.
India sorkar ajanga ‘digital India’ atema sentong balala tenzükba sülen iba terenlokba ya teimba aküm, ta kasa osang ajanga metetdaktsü.