December nunh Telecom subscriber million 8.18 renlok

January 31, 2017 (Agencies): Airtel, Vodafone aser Idea Cellular dena telecom operator 6 subscriber December nung million 8.18 agi renlok. Iba terenlok ajanga subscriber tem million 809.99 kümogo.
Maneni November nung parnok subscriber million 10.19 renlok, ta osang ka ajanga operator temi ashi.
“Telecom industry aser linük ainbaji sendaktepa lir, kechiyong telecommunication ya linük shishilembaba nung tongtibangtiba shilem ka lir. Senotsüren nung industry nung kanga tetsükdakba liaka industry-i December nung subscriber aika bendenlokogo,” ta COAI director general Rajan S Mathews-i ashi.
Item mobile operator 6 rongnung Idea Cellular nung 2.84 subscribers renlok aser iba ajanga subscriber ajak senteper million 190.52 küma parnok mezüngbuba jenjang nung lir.
Tanabuba jenjang nung Bharti Airtel pur subscriber million 2.5 renlok aser tang tashi nung parnok subscriber ajak agi million 265.85 lir. Parnok tanabuba jenjang nung lir.