US tashi bendanger shibelenba atema India nunger anati tai nangzükogo

Washington, January 31 (Agencies) : America district okadak ka nung India nunger anati ozüng alema bendanglen nungi US tashi bendanger shibelenba tai nangzükogo, ta Department of Justice sangdong ka ajanga metetdaktsü.
Arishi küm 42 tain, Nileshkumar Patel aser arishi küm 68 tain, Harsad Mehta nati Newark federal court nung District Judge, William Martini tsüngdang tenati bendanglen nung nisung shibelena shishilemba aser kija ajangzüktsü mapa inyakogo ta tai nangzükogo.
Okadak tezülutepba nung Patel aser Mehta nati 2013 küm June ita nungi 2015 küm October ita tashi sen aatsü mechi nung ozüng alema India nunger kar US-i anir aru ta nangzükba zülua lir.
Patel aser Mehta natisa July 24, 2014 nü tenati India nunger ana US-i mela anir otettsü mechi nung Bangkok-i anir aru ta nangzük.
Tenatisa ano Thailand nunger nisung ka Newark-i arutsü atema sen agütsü ta nangzükogo. Thailand nungba ya undercover officer ka liasü.
Tena iba ken o nung ainungbo küm 10 tashi tepuokdak ayutsü akok.
Tena nem obendang May 16, 2017 nü agütsütsü.