Tuensang nung Access to Justice (A2J) Project senden amen

Dimapur, January 27 (TYO) : January 27, 2017 nü Nagaland State Legal Services Authority-i CKS Hall, Tuensang nung ‘ACCESS TO JUSTICE PROJECT’ (NORTHEAST & JK) indang senden ayongzüka agi.
Iba senden ya Department of Justice, Ministry of Law & Justice, Government of India indang mapatong ka lir aser NSLSA-i Tuensang aser Mon district tem nung agir.
Access to Justice Project, Nagaland indang 2 buba Phase Annual Meeting nung nisung 85 aden.
Parnok rongnung Mon & Tuensang, Panel Lawyer, NGO representatives, PLVs of 46 Legal Aid Clinics under Mon aser Tuensang nungi judicial officers, GBs aser DBs den Project Team Nagaland nungertem liasü.
Sentong nungsa Department of Justice, Ministry of Law & Justice, Government of India nungi ketdangsertem aden.
Sentong nung mendenji Judicial Magistrate First Class-cum-Secretary Tuensang DLSA, Nokshei Kano liasü, Member Secretary NSLSA, Nino Iralu-i tesentepertem pela agizük, Joint Secretary, Department of Justice, Ministry of Law & Justice, GOI, SC Barmma-i okila jembi aser Project Coordinator, A2J, Nagaland, Limasenla Longkumer-i Access to Justice (A2J) Project indang osang metetdaktsü.
Nagaland nung Tuensang aser Mon District tem nung Access to Justice Project ya November 2014 nung tenzüka liasü.
Iba Project ji Panel Lawyers 16 aser PLVs 92 tashi nung tenzük aser parnokji Mon nungi 44 aser Tuensang nungi 48 liasü. Parnok den Kohima Law College nungi kaketshir 30 -40, NGOs 2 aser district anaprong nungi Gaonbura aser Dobashi tem liasü.
Iba project kübok Legal Aid Clinics 46 tentet aser itemji Tuensang nung 24 aser Mon nung 22 lir.
Oct 2014 nungi Oct 2016 tashi A2J Project ajanga beneficiary 11,202 tashi tajangzük nguogo aser Access to Justice Project, PLV, Tuensang nung Chingmei LAC nungi Yemlong Chaba-i Best Zonal PLV (North East Zone) konang bener arutsüogo. Taoba Chief Justice of India, Justice T.S Thakur ket nungi pai iba sempetji agizüka liasü.