Dimapur nung ki 20 shi rongdok

Dimapur, January 31 (TYO) : Hombar aonung 11:30 ako meta SP colony, Dimapur nung kitsükkirong lendong ka atalokdang ki 20 shi rongdok.
Ajisüaka, lendong nung nisung asüba mesüra yiruyibong asüba osang kecha mali.
Miji komaser adokar osang tejangja mali saka angazükba agi, mi kanga kara jangruloka aoba ajanga ki aika nungi osettsüsettem magizüktet.
Mapang shitak nung Dimapur Fire station nungi mi esepertem aruba ajanga kitsükkirong lendong tuluba küma moudaktsüi nokdangtet.