DDCF-i taoba NEZCC Director nem tenüngsang agütsü

Dimapur, February 06 (TYO): North East Zone cultural centre (NEZCC) Director ka ama Wabong, Lipokmar Tzudir-i inyaktetba mapatem atema Dimapur District Citizens Forum (DDCF)-i tenüng agütsüogo.
Lipokmar Tzudir director inyakba mapang nung kin ajak aser lokti ajaki pei sobaliba atema nüma tangtetttsü asoshi inyakogo aser NEZCC ajungkettsü atema lokti aser kin balala ajak den, talisa Dimapur nung inyakogo, ta DDCF-i sangdong ka ajanga ashi.
Dimapur nung NEZCC amenokba atema Naga nunger pelar aser iba Centre dena sendaktepogo. Lipokmar-i NEZCC director inyakdang kanga nendaka inyakba ajanga Naga nunger nüma tangtetdaktsüogo, ta kasa sangdong nungsa shia lir.
DDCF Tir, Joseph N Lemtur aser General Secretary, A. Rahman nati NEZCC mendenbuba aser Nagaland Angh, P.B Acharaya aser Ministry of Culture, Govt. Of India dang, iba ama lenir tajung, Lipokmar Tzudir ya ano NEZCC Director inyaktsü atema ano kümsük ka shimang, koba ajanga pai metembangi aliba mapa kar, talisa Regional Convention Centre & North East Heritage Museum terenlok atema tembanga inyaktettsü, ta mepishiogo.
DDCF-isa, NEZCC Director inyaktsü atema Lipokmar nem ano kümsük ka agütsüra, pai tashi itshir nendaka inyaktsü imlar, ta metetdaktsü.