Naga nungeri tenem aser lenden nung alir tesendaktep meraksaner

Imphal (Manipur), February 06 (Agencies): Naga nungeri tenemlen alir aser lendenlen alirtem tsüngda tesendaktep meraksaner, ta Sugnoo (Thoubal) MLA, Kangujam Ranjit Singh-i metetdaktsü.
“Tang Manipur nung tensa atema Naga nunger aitsübaji tim masütsü,” ta Ranjit-i metetdaktsü.
“Atangji Thuingaleng Muivah-i aniba NSCN (IM)-i prangpong amshia tai maket Naga nunger tsüngda tesempa proker,” ta paisa ashi.
Ranjit-isa, India nunger nüjiso atema raradang shilem tulu agir party ji Congress Party lir ta ashi.
“BJP ama masü, saka iba party (Congress)-i lokti nung tamangba yimsü kecha bendanga mamshir,” ta paisa ashi.
Yaküm Centre sorkari demonetisation mera agiba aija Ranjit-i, “Centre nung BJP-i aniba sorkari nüngdak makaba nung nüburtem nem timtem agütsüogo. Taruba assembly election nung parnok dang tapet lesson ka asayutsüla,” ta paisa ashi.