Manipur nung NPF-i candidate 15 metetdaktsü

Imphal, February 7 (Agencies): BJP general secretary Ram Madhav-i Manipur assembly elections nung North East Democratic Alliance (Neda) den tesentaktep melii parnok kija tokteptsü ta ta ashiba sülen anogo ka lir, Naga People’s Front (NPF)-i constituency 15 atema candidate tenüng metetdaktsüogo.
Constituency 15 nung NPF-i Congress aser BJP na den tokteptsü aser item constituency tem rongnung pezübo Kuki nunger teimba aliba tesemtem lir.
Constituency pezüji- Saikul, Kangpokpi, Saitu aser Henglep lir aser item menden atema Thangboi Haokip, LK Chongloi, Sehpu Haokip aser Thongjamlen Haokip nunger nem NPF ticket agütsü.
Tanü metetdaktsüba tenüng tarensen nung taoba mapang NPF MLA tem- Samuel Risom (Ukhrul), Alexander Pao (Karong), Dikho (Mao) aser Nunghlung Victor (Chandel) nungertem dena lir. August 31, 2015 nü Manipur Assembly nung Inner Line Permit dak sendakba bill tem agizükba anema par pezüi assembly nungi anena liasü.
Jiribam constituency nung Meitei nunger, lisopurtem aser non-Manipuri tem temeyoktep lir aser iba menden atema NPF candidate ji M Kamei lir. Pai tang mezüng atema assembly election nung tokteptsü. Manipur nung tawa tentetba district tenet rongnung Jiribam ya ka lir.
Yaküm October ita Yaikhong Pao yimtsüng nung United Naga Council (UNC)-i ayongzükba lokti senden ka nung Naga nunger yimtsüng yimsüsürtemi NPF pusema nungittsü ta telemtetba agia liasü.
Iba senden nung Nagaland Chief Minister aser NPF lennir TR Zeliang-ia tesentepertem dang NPF yaritsü tayongzükba agütsü.