Zimbabwe Tir tasoba anogomung nung sen $2.5 millon endoktsü

Harare, February 8 (Agencies) : Zimbabwe nung ruling party-i President Robert Mugabe küm 93 ajungba anogomung asoshi $2.5 million enoktsü atema sentong yanglur, ta osang ka ajanga ashi.
Tan February 21 nü Robert Mugabe küm 93 ajungtsü aser iba atema province 10 pronglai $2.5 million bendentsü imlar, ta osang ajangasa shisem.
“Parnoki provincial structures, kija, nija company tem, sorkari teyari agütsüba teloktem aser local ketdangsertem ajanga senji bendentsü imlar” ta Zanu PF party mendenpurtemi ashi.
Ajisüaka, opposition teloktemi Mugabe-i sen mashii endoker ta tai tongloktsür.
Pai junga yimsü masüba ajanga Zimbabwe nunger nütsüng noklang nung shilem 93 tashi sensaktia nung lir, ta NewZimbabwe.com ajanga metetdaktsü.
Mugabe aser Zanu-Patriotic Front (PF) nati Zimbabwe nunger sensaktia nung alibaji kanga junga repranger, ta Movement for Democratic Change-Tsvangirai (MDC-T) national spokesperson, Obert Gutu-i osangbener dang ashi.
“Pa tasoba anogomung nung endoktsü aliba sen $2.5 million jagi public hospitals nung tang nüngdakba mozütem alitettsü” ta paisa ashi.
“Iba senji Department of Social Welfare nem agütsütsüla aser ibaji ajanga jangotsü aser tang nüngdakba osettem alitsü” ta Obert Gutu-isa ashi.