Pakistan nung menoknok tesashi ka anok

Islamabad, February 8 (Agencies) : Pakistan nung Bodbar anepdang züngia menoknok tesashi ka anok saka iba lendong nung teraksa bener aruba osang ano mangazük, ta U.S. Geological Survey-i osang metetdaktsüogo.
Richter scale nung tashi 6.3 menoknokji Arabian Sea tzükümlen anok aser tiyongtsüji Turbat jila anasa liasü, ta USGS-isa ashi.
Baluchistan province kübok Gwadar port aser Pasni yimtsü tsüngda menoknokji anok saka iba tesem nung teraksa anguba osang kecha mangazük.
Pasni yimti nung nütsüng yongsük 400,000 shi ka lir.
Pakistan ya menoknok kanga anokba tesem ka lir. 2013 küm Baluchistan nung menoknok tesashi ka anokdang nisung 1,200 den tema asü.