Tenokdangba kübok linük tasentem mezüngoktsü : White House

Washington, February 8 (Agencies) : Trump Administration-i Muslim nunger teimba aliba linük 7 nungi sensotem parnok linük telungi maitdaktsütsü tenokdangba agüja aliba nung linük talila bendenloktsü sentong mali ta tanü White House sangdong ka nung metetdaktsü.
“Tang tashi nung linük tasen züngoktsü tebilemba mali” ta White House Press Secretary, Sean Spicer-i osangbener dang ashi.
Trump Administration-i tang tanga linük kar reprangdar saka item asoshi telemtetba kecha magi, ta Spicer-isa ashi.
US President Donald Trump-i anogo 120 atema Iran, Iraq, Libya, Somalia, Sudan, Syria aser Yemen linüktem nungi sensotem US-i marutsü aser item linüki anogo 90 atema US sensotem maotsü tenokdangba ka agütsü. Ajisüaka, iba tetuyuba ya alimai aitsü.
Iba ‘executive order’ ji federal court kati sota lir aser iba anema Trump Administration-i ken o benokogo.