Oscars nung Halle Berry, Scarlett Johansson nati shilem agitsü

Los Angeles, February 8 (Agencies): Iba ita tatemlen 89buba Oscar sentong nung nüngtugu nisung aika den külemi Halle Berry, Scarlett Johansson aser Samuel L Jackson nungeri shilem agitsü. Maneni sempet agütsütsüpur rongnung Chris Evans, Gael Garcia Bernal, Shirley MacLaine, Kate McKinnon, Hailee Steinfeld aser Fifty Shades stars Jamie Dornan aser Dakota Johnson na dena densema lir, ta osang ka ajanga metetdaktsü.
Taoba hopta Motion Picture Academy ajanga sangdongba agi, taoba mapang tem nung inyaka aruba ama, taoba kümtem nung best actor award angurtemi taküm iba sempet angur nem Oscar agütsütsü.
Berry-i ‘Monster’s Ball’ nung shilem atema yaküm best actress Oscar angu, aser Jackson-i ‘Pulp Fiction’ nung shilem atema best supporting actor jenjang nung nominate asü.
MacLaine-i ‘Terms of Endearment’nung tongti shilem agiba nung best actress Oscar angu, aser maneni “The Turning Point, Irma La Douce, The Apartment aser Some Came Running” nung shilemtem atema nominate süa liasü.
Steinfeld “True Grit” nung la shilem atema best supporting actress jenjang nung nominate asü.
Evans aser Johansson na Marvel film aika nung külemi shilem agia aruogo, aser maneni taruba “Avengers: Infinity War” film nung külemi shilem agitsü sentong lir.
“Item actor tem aliba ajanga movie tem reprangtsü asoshi jangrar. Blockbusters nungi art house films tashi nung parnoki teti shilem tajung agia arudar, aser parnok 89buba Oscar nung shilem agitsü asoshi pelashishia jaoker,” ta producers Michael De Luca aser Jennifer Todd nati oscar nung sempet agütsütsüpurtem tenüng sangdongdang ashi.
February 26, 2017 nü 89buba Oscar sentong, Jimmy Kimmel lenisüba kübok amongtsü.