Zoya Akhtar indang taruba film nung Ranveer aser Alia nati shilem agitsü

February 8, 2017 (Agencies): Zoya Akhtar indang taruba film koba Mumbai underground rapping scene nung ajemdaker yanglutsüba ali, iba film nung Ranveer Singh aser Alia Bhatt nati tongti shilem agitsü, ta Mongolbarnü osang ka ajanga metetdaktsü.
Mumbai street rappers shirnok kangadang jenjang tamajung nung ali, parnok taküm otsü nung ajemdaker film ka yanglutsü, ta tamalen Zoya-i osangbenertem den jembidang ashi.
Iba film otsü talisa rapper Naved Sheikh shiba dang Naezy ta ajar, pa taküm otsü nung ajemdaker yanglutsü.
Iba film nung rapper shilem indang jembidang, Varun Dhawan aser Ranbir Kapoor na tenünga inoksema jembiogo.
Ranveer-i tamalen Dil Dhadakne Do film nung Zoya Akhtar den külemi mapa inyakogo. Pai maneni advertisements balala nung Alia den shilem agia aruaka, film nung tena külemi tang mezüng shilem agitsü.