Kolkata nung actress ka tasümang angu

Kolkata, February 08 (Agencies): Bengali entertainment industry nung actress ka, Kolkota kübok Kasba tesem nung la taktang nung sür lia tasümang tanü nguogo, ta police-i metetdaktsü.
Actress Bitasta Saha ya Kasba tesem nung la takdang tsüngpang nung süngzü mesanger alenseta sür lia angu.
Anogo ana tashi phone aiben sür magizükba ajanga tetsüi tanü la takdang semdang. Kishi nung aiben akoshiaka lai melapoktsüba ajanga, tetsü aser kiyongertemi police nem osang agütsü. Iba sülen policetemi kishi kakpoker aidang la mang tsüngpang nung alensüta aliba angu, ta police ketdangser kati ashi. Maneni la mang nung yiruba zübo aser tekanük külen ranger aliba angu.
“La mang nung zübutem aser asüba yim reprangdangra, la soseta asüba amai ajiteter, saka onok tang postmortem osang atadar. La sür joko anogo 2 shi lir, aser takdang nung teshinem menemer,” ta paisa police-isa ashi.
La tekolok kanga anibelema khuret makokba agi soseta asü asütsü akok, ta police-isa shisem.
“Onoki la Facebook profile aser post tem reprangdangogo, aser item nung la jashiba aser mepelabatem shisema lir. Mapang ka nungbo lai la sasa taküm agitsü shisema lir. Onoki maneni lai call asüba aser agizükbatem reprangdangdar,” ta police-i shisem.