CCB-i teküp ayokba ‘spa’ ka mita ao

Guwahati, February 8 (Agencies): Central Crime Branch (CCB)-i Bengaluru, Sadashivanagar tesem nung tetsürtem tashiyim agi teküp yokdaktsüba massage parlour ‘spa’ ka nungi tetsür trok aser Thailand tsür 3 kümzükogo.
Central Crime Branch-i RMV Extension, Sadashivanagar tesem nung Shivai Thai Spa mita aodang iba spa nung manager, küm 25 tain Manipur Ukhrul district nungi Jenny S aser nisung shibelener ta temolung melemi bilemba, Tripura, Dharmanagar nungi küm 38 tain Sirajuddinaser aser Assam, Guwahati nungi küm 28 tain Angchchukar puogo.
Parnoki nisungtem denji külemi sen lakh 1.28 aser mobile phone 8 puogo.
Spa kibur Madhusudhan Paul aser Prince Gupta nabo jenogo.
Central Crime Branch-i ashiba agi, Sirajuddin aser Angchchukar nati tetsürtem dangji mapa tajung agutsütsü ta nangzük, ajisüaka teküp ayokba maparen nung kangshia anioktsü.
Iba spa nungji tetsürtem mapa atema fee aika agir saka parnok nembo sen kanga ajema agutsür, ta CCB-isa shisem.