BAN-i internet aser SMS lapokjang ta mepishir

Dimapur, February 09 (TYO) : Business Association of Nagas (BAN)-i, tang state tensa majungba ajanga Networking inyakyimtem — internet aser SMS — shibangtsüba agi business telok atema tetsükdak tulu alur, anungji shishilemba mapa sadema aser junga inyaktettsü mechi ketdangsertemi item service tem ya lapokjang, ta sangdong ka ajanga temepishiba agütsü.
Internet aser SMS nokdangba ajanga state nung ‘wireless POS transaction’ dak metaloker aliba entrepreneur tem aser shishilemba tila inyakertem kanga mejungi akoksar.
Iba den külemi 19buba Executive Council senden February 13, 2017 nikongdang 2:30 ako nungi tenzüka Treasurer Mongkum Jamir’er ki, Sector A, Lane-3 , Aoyimti Village, Dimapur nung amentsü. Anungji iba senden BAN ketdangpurtem aser Executive züngsemtem katia mezüdoki arua adentsü mepishia metetdaktsür, ta BAN media cell-i iba sangdong ajanga metetdaktsür.