Sania Mirza Service Tax department-i jaok

Hyderabad, February 09 (Agencies) : India tsür tennis asayar Sania Mirza Service Tax magütsüba atema Service Tax department-i osang ka agütsüogo.
Hyderabad, Principal Commissioner of Service Tax office-i Mirza dang February 16 nü la mesüra la tenüng nung tejangja nisung ka arua parnok ajurutsü asoshi February 6 nü metetdaktsüogo.
“Finance Act 1994 kübok ozüng nung aliba ama, na Service Tax/contravention magütsüba ken o nung bushisüngdangdar. Iba dak sendakba nung nü ket nung kulitem alitsü ta onoki bilemer, anungji Central Excise Act, 1944 koba ajanga Finance Act, 1994 kübok service Tax ken o asemer, iba dak sendakba ken o nung kuli tejangja bener February 16 nü na mesüra nü melen tejangja nisung ka office-i arutsü metetdaktsür” ta la nem osang agütsü.
Iba osang nung la kechi atema jaok iba indang ken o keja jangja shia mali.
“Na iba senden nung kuli tejangja melii arua medenra IPC provision nung aliba ama merenshitsü,” ta maneni metetdaktsü.