Guwahati nung Himalayan Region Games asayatsü

New Delhi, February 09 (Agencies): Guwahati nung 2017 küm April 21 nungi 30 tashi, Himalayan Region Games asayatsü, ta Indian Olympic Association (IOA) ajanga Brehostibarnü metetdaktsü.
Iba asayamung nung India, Nepal, Myanmar, Thailand aser Afghanistan linüktem nungi arua shilem agitsü.
Iba asayamung nung Archery, Athletic, Boxing, Fencing, Football, Judo, Kho-Kho, Squash, Table Tennis aser Weightlifting nung tetoktepba alitsü.
Guwahati nung 2016 küm South Asian Games ayongzüka agi aser iba asayamung India Ato Kilonser, Narendra Modi-i lapoktsü. Games Technical Conduct Committee nung Dr Chaudhary mendenbuba shimtet.
“Taküm Guwahati nung Himalayan Region Games akatsü aliba ya kanga junger, kechiyong North East nungi alima nung nüngtugu asayar aika adokogo. Linük nung tesem ajunga nung saisapong ya kanga sapua kümdaktsünür,” ta IOA Tir, N. Ramamchandran-i ashi.
“Himalayan region nung saisapong ya kanga sapua kümdaktsütsü asoshi sorkari teyari balala agütsür. Tang asayatsü sentong renema aliba ajanga nüburtem aika tejakleni arua asaya nung shilem agitsü asoshi ajungshitsü,” ta IOA nung tongti zülur, Rajeev Mehta-ia ashi.