Angh-i ULB elections tamagitsü kümdaktsüba sangdong ; Naga Hoho & GBs Forum-i CM den senden amen

Kohima, Feb 9 (TYO): Nagaland Anghi state nung Urban Local Bodies (ULBs) elections agiba mparen ajakji tamagitsü kümdaktsü, ta sangdongogo.
Tanü temetettetdaktsüba ka ajanga State Election Commissioner, Sentiyanger Imchen-i, yaküm October 4 aser November 18 nü state sorkar tetuyuba kübok state nung Municipal and Town Councils 32 nung elections atema yaküm Dec 21 nü Commission-i sangodnga liasü ta metetdaktsü.
Ajisüaka Angh telemtetba nung ajemdaker State Election Commission-i yaküm December 21 nü ULBs atema sangdongba election programme ji tamagitsü kümogo, ta metetdaktsü.
February 2 nü State Cabinet-ia election maparen ajak tangitsü kümdaktsür, ta sangdonga liasü.
Tanü Chief Minister-i state nung tribal tentettem den senden ka menogo.
CMO osang ka ajanga ashiba agi, iba seden nung adentsü atema Naga Hoho, Eastern Nagaland Peoples’ Organisation, Central Nagaland Tribes Council aser GBs Forum jaoka liasü, saka Naga Hoho aser GBs züngsmetema aden.
Kasa osang ajanga, iba senden nung bangzüng kecha merenem saka CM aser par züngsemtemi tetsürtem nem shilem 33 shiteta yutsür election agiba dak sentakba nung sorkar tamendakdak angatetdakja liasü.