February 10, 2017 (Agencies): India linük telongzük nung amshitsü asoshi Google Play Store nungi YouTube Go download süa amshitsü akoktsü. YouTube Go ajanga internet maliba mapang video reprangtsü akoker aser na anasa aliba medemertem den video share asütsü akoker.
YouTube Go ya Google Play Store nung “Unreleased” ta zülur angutsü. Iba app ya MB 8.5 lir aser Android v4.1 Jelly Bean nungi tejaklen adokba Android phone ajunga nung amshitettsü.
Internet maliba mapang YouTube Go nung video tem ‘thumbnails’ nungi reprangtettsü akoker aser video ji MB koika asütsü, ajunga sayur. YouTube Go ajanga internet maliba mapang Bluetooth amshia na anasa aliba nisungtem den video lemsatsü akoker.
YouTube Go amshitsü akoker; internet maliba mapang video reprangtettsü added by nungsang on
View all posts by nungsang →
You must be logged in to post a comment Login