Dimapur nung lanur ana asüba nüngtem nung Oren Mozhui-i “NAGA HEROES” ken tenloktsü

Dimapur, February 10 (TYO): Nagaland nung ochimashi lenir anema raradang lanur ana taküm samaba aser nüburtemi ochimashi lenir anema rarar nem Oren Mozhui-i “NAGA HEROES” ken tenloktsü.
Iba ken ya Oren-i mejema zülu aser iba ken ya acoustic pop lir.
Iba ken ya recording, music arrangement, aser mix asüba nung Sound Engineer, Aseu Chadi-ia yarisem.
Iba ken ya WhatsApp, Facebook, Twitter aser music website ajanga prokshitsü aser iba ken intang video ya YouTube nung kobi melie angutsü.
Naga nunger kentener rongnungi nüburtem asoshi English nung ken mejema atenba ya Oren Mozhui-i tiemba atenba otsü lir. Taoba mapang Wokha nung bomb abokba atema pai “We will meet again” ken mejema aten.
Nagaland nung tsürabur maliba tanurtem, sensaker aser lemdamatar nem “Love is sharing” ken mejema tentsü aser iba ken ya Minister of Environment, Forest & Climate change, Dr. Neikiesalie Kire-ia busema lir.
Tanur tebok nung lia tepseta indokba atema Oren-i “Let Me Live” ken aten aser iba ken ya Pastor, Robert Kikon aser Metro Hospital Dimapur nung Dr. Mhonjan Mozhui ajanga approve asü.
Christmas mapang sensakertem okrong tia nung alirtem atema “Christmas is a heartache for poor” ken Oren-i mejema aten.