Salman Khan-i film tasenba atema Kangana tenüng benok

August 13, 2015: Actress Kangana Ranaut-i Bollywood nung la sapur tasen ka ngutetogo aser ibaji tangar masü saka Salman Khan lir. Film yanglur Nikhil Advani-i ashiba agi, Salman-i pa taruba film ‘Katti Batti’ atema Kangana tenüng benokogo.

“Salman-i iba film otsü agi temelung asür aser Payal shilem agitsü atema Kangana tetemsü asütsü ta shiogo. Iba aonungji Salman-i New York-i oa alila Kangana dangi phone süa la dang, Payal indang shilem agitsüji la tetemsü lir ta shiogo. Kangana meyipa aruba sülen iba atemaji jembiogo,” ta Advani-i sangdong ka ajanga metetdaktsü, ta IANS osang ajanga ashi.

Iba film atema Salman-i Kangana tenüng benokba dak sentakba nung Kangana-ia, “Salman-i kü dangi call süa film otsü indangji metetdaktsü, aser pai aji oda inyakba atema pelar. Ni New York-i oa liasü. ‘Queen’ film den ‘Tanu Weds Manu Returns’ nung shilem agiba sülenbo tetsüri kanga tongtibang shilem agiba film tem nung shilem agitsü atema tajaba aika arur aser ibaji ni asoshi tongtibang kümogo,” ta ashi.