Ozüng alema prangpong ayoker ka AR-i apu

Dimapur, February 10 (TYO): Dimapur nung aliba Bamanpukhri aser Purana Bazaar tesemtem nung 32 Assam Rifles aser police tensema Hokolbarnü bushisüngdangba mapang, ozüng alema prangpong ayoker ka apu aser .32mm pistol ka den injang ngutet.
Iba prangpong ayoksang ya Dimapur district kübok LRC Colony nung alir, Khekiye Yeptho’er tanur arishi küm 35 tain, Khekato Yeptho ta jangjaogo.
Iba nisung, prangpong aser injang ya East Police Station, Dimapur nem asüngdangya asütsü asoshi agütsüogo.