Alima nung temang tarettila Mumbai tongogo

New Delhi, February 11 (Agencies): Egypt tsür, Eman Ahmed touzük nung seret 500 ya alima nung tetsürtem rongnung tarettila lir. La ‘bariatric surgery’ atema Mumbai tongogo.
Küm 36 tain Eman shiba Mumbai nung ‘bariatric surgery’ aser maneni temang anepalutsü ali, la teyi Shaimaa Ahmed den Mumbai-i aru.
Osang ajanga ashiba agi, Iman tanur asüdang ‘elephantiasis’ tashidak putet. La tasodang seret 5 liasü.
Eman temang uluraba agi küm 25 tashi Cairo nung lar kidang nungi kimai madokteti lia aru, anungji la temang anepalutsü asoshi Mumbai-i arutsü asoshi Egypt nung ketdangsertemi Egypt Air Airbus 300-600 freighter aircraft yanglushitsü.
La temang tanga doctor tem den kulemi bariatric surgeon ka, cardiac surgeon ka, endocrinologist ka aser cardiologist ka ta sentepa operation agitsü.
Maneni osang ajanga ashiba agi, la indang surgery ji angati dang asütsü.