Pranab Vidyapith HSS farewell sentong kaogo

Dimapur, February 11 (TYO): February 11, 2017 nü Pranab Vidyapith Higher Secondary School, Dimapur-i Pranab Jubilee Auditorium nung HSLC ’17 aser HSSLC ’17 (Science & Commerce) kaketshirtem atema farewell sentong tajung ka katsüogo.
Iba sentong tenzüka ‘universal peace prayer’ ka agia Bharat Sevashram Sangha tentetsang, Swami Pranabanandaji Maharaj nem narozük azüktsü aser Vidyapiths tenzükertem nem naro akhüm agütsü.
Class 10 kaketshirtem tenüng nungi Satakshi Chakraborty-i aser Class-11 tenüng nung Ananyo Chakraborty-i lokti pela agizük.
School Principal, Monoj Bhattacharjee-i outgoing candidates ajak den salem osang lemsatep aser parnok tajungtiba agi meranga tatidang agutsür tatidang osang tajung angutsü ajungshi.
Paisa kaketshirtem dang tazüokba nung alitsü, mapang shitak amshitsü aser yimya tajungtem benshitsü ajungshia liasü.
Founder Headmaster, LC Das-i HSLC aser HSSLC tatidang temetettsütem metetdaktsüba den külemi salem lemsatep.
Ano iba dak alia sobaliba sentong ka agia liasü.
Tesülen Class 11 (Science) nungi Tongpangtanla-i tepela anküp o jembi aser Pranab Viyapith Hr.Sec. School, Dimapur, Managing Committee tatong tir, Arun Kr. Nandi-ia sentong nung jembi.
School nungi sangdong ka ajanga ashiba agi, iba sentong ajungaji Medha Bhattacharya, Class-10, Supriya Dey, Class-11 aser Hoto Swu, Class-11 nungeri ketdangsüa agia liasü, ta metetdaktsü.
Kasa sentong nung HSLC ’17 aser HSSLC ’17 candidates ajak nem Admit Cards lemtsüba den annual sports indang sempettem lemja liasü.