WB nung district tasen 3 tentettsü: Mamata

Kolkata, February 13 (Agencies): Tanü West Bengal Chief Minister, Mamata Banerjee-i, state nung ano district tasen asem- Kalimpong, Asansol aser Jhargram tentettsü, ta metetdaktsü.
Iba dak alia state sorkari Royal Bengal Tigar aser arem shiruru aika aliba tesem, Sundarbans nema district jenjang agütsütsü tebilemba lir, ta laisa ashi.
Asüng Mamata Banerjee-i Kalimpong district tentettsütsü atema north Bengal-i tayimtsü nung apusotsü lia lai osangbenertem den jembidang iba osang metetdaktsü.
Kalimpong ya Darjeeling district nungi agizüka tenteter, aser Asansol o Jhargram na ya Burdwan aser West Midnapore district na nungi agizüka tenteter.
Asansol aser Jhargram district naji April ita nung tentettsü, ta chief minister-i ashi.