AR-i NSCN(K) OGWs ana apu

Dimapur, February 13 (TYO): IGAR (North) leniba kübok 32 Assam Rifles intelligence osang ka nung ajemdaker February 11, 2017 nü AR sepaitemi police den külemi Burma Camp Bridge, Dimapur tesem mita aodang nisung ana ket nungi pistol den injang asem, 303 Rifle misfired case ka, USA made kotari ka aser NSCN(K) indang cash receipt (Ser No 0541) apu, ta tanü Assam Rifles sangdong ka ajanga metetdaktsü.
Nisung anaji Sakhato yim nung alir Zuulho’er jabaso arishi küm 35 Boka aser Kheoi yim nung alir asür Yekivi’er jabaso arishi küm 28 Khekugha na liasü ta jangjaogo.
Asüngdangyaba mapang tenapronglaji NSCN(K) nung OGWs inyaker ta metet. Tena den tena ket nungi apubatemji maneni bushisüngdangtsü atema East Police Station, Dimapur District ket nung agütsüogo, ta sangdong nungsa shia lir.